Opinion

Zwifheti zwa mbonela phanda ya mbofholowo ya MaAfrika #AfricaDay

IMG_9836

Kwame Nkrumah (Pic: Flickr)

Phethani Madzivhandila:

Duvha la Afurika
Minwaha ya futhanu ina yo fhiraho fhala kha la Ethopia ,vharangaphanda vha mashango a dzhango la Afurika vho tangana vha tshi toda hone u saukanya u tsikeledzwa ha Maafrurika kha mavu a vho makhulu kuku wavho . Muhumbulo muhulwane murahu hau swikwa ha dzangano la Organisation of African Unity, ho vha hu hone u khwinifhadza nyimele ya polotiki, ya ekonomi ya vhurereri na mvelo ya vhathu vha tshirema ,nge lwa minwaha I padaho madana mararu vha ralo u vhulwahwa na u tsikilwedzwa nga vhatshena na movhuso ya vhukoloni ,
Fhedzi ha ri di wana namusi ri sa athu bveledzisa zwe mbonelaphanda ya vharangaphanda vha ngaho vho Kwame-Nkurumah, Haile Selaise na vhanwe ya vhuthihi ha mashango a afurika isa athu bveledzea .Vhuthihi ho di sendekamisaho vhuledzani ha mashango a dzhango lino siani la ekonomi, vhudilangi na u shakuliswa na u minulwa ha mivhuso yothe ya vhukoloni ye yavha yo lakatedza Afurika. Mirado I tutuwezwa uri dzipholisi dza mashango dzi sedzesane nga maanda kha u shumisana kha masia ane avha thikho khulwane dza ikonomi dzi fnaho na polotiki, vhuendedzi, vhudavhidzani ,mutakalo na zwinwe zwinzhi.
Namusi zwi sea zwi tshitanama kha dzhango lino, nwana u mamela lurumbu nge vhushai na vhusiwana zwa ralo u ri nambatela sa vhulada .Izwi zwi itsiwa nga nthani ha uri vha lwelwa mbofholowo vha ula musi, vho no Shanduka vhone vha tsikeledzi na vhatambudzi vha tshitshavha tsha Mafrika. Vhunzhi havho vha ralo u tambisa masheleni nga hone u toda u di pfumisa ,tshandanguvhoni ,vhumbulu na vhufhura zwo no tovha ndowelo kha lino lashu, nge vharangaphanda vha namusi vha ralo u rangisa mulo phanda u fhira u rangisa tshumelo kha vhathu vho vha khethaho.
Nangoho maano a vhambwa nga lwuvhadzi , ro zwi vhona khuvhani uri vhunzhi ha magundo a Mafurika ovha a u pfumisa vhatuku ngeno tshitshavha tshi tshi lalela luvhondo. Nga duvha la Afurika namusi ,ahuna zwine ra pembela fhedzi ha ri sedza he ra khakha hone,nge ra themba uri sambi la nngu li range phandwa nga ndau .Lwendo lwa shaya phangami ndi mulano, vhathu tshirema namusi vha di wana vha sina vharangaphanda vho di nekedzelaho vhukuma kha fhungo la u khwinisa matshilo avho .Mivhuso yashu ikha divha ya dzikoloni fhedzi ha ho to shanduka lukanda lwa vharangaphanda.
U nembelela ha shamba a si uwa halo vha ralo vha venda, zwino haa uya phanda na u likitana na khaedu iyi ya u khwinifhadzwa ha nyimele kha dzhango lashu, zwi kha rine vhaswa vha namusi uri ri songo khanda he “ vhalwela mbofholowo” vho daho phanda ha rine vha kanda, vhe vha ralo u ima phanda ha mveledziso ya ikonomi na demokirasi kha afurika. Divhazwakale iri nea ngudo na tsivhudzo yo fanelaho uri na rine ri sa vaiwe nga mipfa yo wisaho vho daho phanda hashu.
A

 

Advertisements

Categories: Opinion

Tagged as: , , ,

1 reply »

  1. Iyi ndi ngoho yo fhelelaho; vhunzhi ha vharangaphanda vha mashango a Afrika vha rangisa thodea dzavho phanda nthani ha thodea dza vhadzulapo. Hu khou todea vharangaphanda vha ngaho vha ula-misi uri Afrika li kone u wana mbofholowo yone-yone.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s