Poetry

Vuka ntombi yomgquba (Umbongo)

IMG_0127

Kolosa Ntombini (Pic: Supplied)

Vuka ntombi yomgquba, kudala ulele
Kusemini maqanda wena usalele, yemaan vuka!
Isizwe siyafa ngoku usalibele kubanemizanga
Vuka!
Vuka unxibe ingubo yakho
Langubo yokuziqhenya ngobumnyama bakho
Ewe, nditsho langubo yayinxitywe ngooBantu Biko  nooSobukwe
Bayishiyela wena ngoba babesazi ukuba izakufika lemini yokuba ubone ubuze bakho
Ewe, undive kakuhle: uze!
Kaloku wena wabayeka babuthatha ubuntu bakho
Ngokukholelwa izinto ababezithetha
Besithi awuyonto ngoba iinwele zakho azikho yephu-yephu
Wena wabayeka bakujongela phantsi ngokuzijongela phantsi wena kuqala
Wazama ukuzifaka kubo
Wazama ukuthetha, nokucinga njengabo
Wawucinga ntoni?
Ukuzama ukufana naba-bandezeli bakho; abantu abakonyanyayo
Kodwa ke asikho lapho
Uvukile ngoku
Hlamba langqondo indala yokuzijongela phantsi
Yigutyule
Uqiniseke ukuba isukile phambi koba unxibe langubo yooYihlo
Vuka Ntokazi, vuka Qhawekazi, vuka Ntombi yomGquba
Camagu!

Kolosa Ntombini

Advertisements

Categories: Poetry

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s