A TRIBUTE TO APLA (TshiVenda)

Phethani Madzivhandila

Ngoho ndo zwi vhona nne
Uri mukapi wa tshisima asi munwi watshi
Nge vhahali vha mulovha
Vha kudzwa daledaleni sa mathukhwi a tshifhefho
Vha sathulwa sa mufukakadzi wa muumba
Samba la ralo nambatela sa vhutoma ha vharema
Ngoho ndo zwi vhona nne nga mato aya anga
Uri tsiwana I laiwa ndilani
Vhadzia vhumbulu na vhuada vha amba asina tserekanyo
Nge sa khali ya u afhulelwa vha shaya muzio
Iwe Azania People’s Liberation Army
Mishumo yau ya mbilu ya tombo ari ngo I hangwa
Naho na namusi no kudzwa khothoni nge na ralo u lwelwa vho ngwaniwapo
Ri di tongisa nga iwe,
Sa lulimi na mano ,dzina lau li dzula li milomoni yashu
Iwe APLA,mmbi ya ma-Afrika
Malofha au o shuluwa fhala bramley, St james cathedral, Kgosi Mammpuru Prison
Utshi ralo u lwela vhana vha Azania
Mishumo yau a ri ngo I hangwa
Wa ralo u lifhedzela zwa Sharpville,Langa na fhala Cape of Good Hope
Fhedzi ha nne ndo zwi vhona
Madzhakandila na vhalelwa mbofholowo wa musi ula
Vha sika nga ndala na dora
Ngoho ndo zwi vhonanne mukapi wa tshisima ai munwi watsho
Vhungoho ndi khare ya mipfa I rumbulaho
I rumbula vha lingedzaho u I dzumbetshedza
Vhungoho ndi mushumi wa biko
A lulamisaho ndila dza magombikombi
Naho zwi tshi konda zwi tshi lemela
Iwe APLA u songo fhela maanda
Vhuiwa vhu tsini
Iwe tsiwana I sina mavu , farelelai hanefho u phumule mitodzi
Sa izwi ri sa athu u swika thambo
Iwe Azanian People’s Liberation Army
Kondelelai Mbofholowo na vhudilangi zwi ndilani
Mulambo wa mahovhohovho u kumbaho u tsini
Ri do ralo wela seli ri tshi todana na ngoho
Kondelelai tsiwana ya Afika
Muvhuso wa vhukoloni ri do u minula

The Azanian People’s Liberation Army (APLA) was the underground military wing of the Pan African Congress (PAC). APLA was formed in the 1960s, after the banning of the PAC and other political organisations such as the African National Congress (ANC) and the South African Communist Party (SACP).

Leave a Reply

Back To Top
%d bloggers like this: